La famiglia Soliva
Mia tatta davart miu bab, che ha giu maridau il Luis Hendry, fuva ina Soliva, la Maria Lucia, naschida igl onn 1890 e morta igl onn 1925, ton che la schlatta Soliva ha adina interessau mei. Olivas ni Solivas dat ei d’anflar biars en nos cudischs da registraziun egl archiv dalla pleiv. Els ein stai activs empau dapertut, han purtau bials uffecis ed ein stai activs ella responsabladad per la cuminonza. Il Battesta Soliva 1882-1957, in frar da mia tatta, ha schau anavos bialas regurdientschas davart sia famiglia ed ils descendents da Giachen Antoni Soliva (1848-1915). Igl ein maletg tipic d’ina famiglia dil 19avel tschentaner, cumpigliada en da tuttas miserias dalla veta!
 |
Igl uoppen dalla famiglia Soliva |
La suandonta scartira da Battesta Soliva hai jeu retschiert avon entgins onns da siu fegl Testi Soliva. Ultra da schabetgs ord il ravugl famigliar, ha el era descret legras historiettas ord la veta da mintgadi da tschels onns.
La famiglia Soliva da Battesta Soliva-Cavegn 1882 – 1957
Soliva – las naschientschas e mortoris tenor il register da battens 1664 – 1907
Da seniester: Onna Maria, Barla Catrina e Maria Lucia Soliva (mia tatta); Duri Vigeli, Battesta e Giachen Antoni Soliva. Davontier ils geniturs: Maria Barla Turtè Monn (Madleinra) (1849-1917) e Giachen Antoni Soliva (1848-1915)