Dumbraziun da 1768
La dumbraziun da 1768 ei l’emprema dalla Val Tujetsch. Ella ei vegnida fatga entras sur Giachen Antoni Degonda da Rueras, plevon a Sedrun da 1749 – 1788.
Duront sia pastoraziun a Sedrun ha el giu 1396 battens e la populaziun da Tujetsch ei carschida quels onns da 700 sin varga 900 olmas. – El ha giu reformau 1769 las statutas dalla «Confraternitad da s. Giachen», ch’era vegnida fundada 1609 e ch’ei sparida all’entschatta dil 19avel tschentaner. – Sur Degonda ei staus il menader dils 12 pelegrins da Tujetsch, ch’ein serendi 1775 tier il giubileum grond a Ruma tut a pei ed en agen vestgiu da pelegrin. Il viadi haveva cuzzau da miez october entochen entschatta fevrer 1776.
La dumbraziun ei nudada el cudisch numera 11 egl archiv dalla Pleiv Tujetsch, il Cudisch dils commembers dalla confraternitad da s. Giachen entschiet 1739.
Batten da …; da seniester: Maria Schmid-Berther, Tumaisch Berther-Soliva e Testi Soliva-Scherrer